उमलिंगला पास सायकल वारी.. विश्रांती आणि सायकल सर्व्हिसिंगचा दिवस... दि. २० जुलै २०२४
आज विश्रांती आणि सायकल सर्व्हिसिंगचा दिवस होता... संजयला आणखी एक दिवस विश्रांती हवी होती... सकाळीच संजयची बायको पूजाचा फोन आला... संजयची खुशाली विचारण्यासाठी... तिला ताबडतोब तिघांचा फोटो शेअर केला... संजय एकदम ठिकठाक आहे... हे कळण्यासाठी...
सर्लीचा डिरेलर हॅंगर फाईन ट्युनिंग करणे आवश्यक होते... मागचा गियर एक आणि दोन वर जात नव्हता... प्रथम हॅंगरचे फोटो काढले...
नाष्टा झाल्यावर सकाळी क्वालिस गाडी आली... परेश बरोबर सोमोरिरी तलावाकडे प्रस्थान केले... आज संजय सुमडो येथे पूर्ण विश्रांती घेणार होता...
सुमडो ते सोमोरीरी सायकल वारी संजय सोबत केली होती... क्वालिस मधून जाताना ती संपूर्ण वारी आठवली... क्यागरसो पर्यंत वर वर चढत जाणारा रस्ता मातीने माखलेला ऑफ रोडींग होता... गाडीत अक्षरशः हाडे खिळखिळी झाली... यापेक्षा या रस्त्यावर सायकलिंग केले असते तर बरे झाले असते... असे वाटले...
सोमूरिरी लेकच्या आधी क्यागरसो तलाव लागतो... या तलावाच्या काठाला पांढऱ्या वाळूचा प्रदेश होता... जणूकाही थंडीत पडणाऱ्या भुरभुऱ्या बर्फाची वाळू झाली असावी...
कराझोक गाव ओलांडून सोमोरिरी तलावाच्या व्हीव पॉइंट कडे आलो...
तेथून परेशची फोटोग्राफी झाली... परेशच्या बकेट लिस्ट मधील एक इच्छा पूर्ण झाली होती...ढगांचे तलावात पडलेले प्रतिबिंब... लाईट आणि शॅडो इफेक्ट, बर्फाने आच्छादलेली हिमशिखरे, पक्षांचे बागडणे... हे सर्व निसर्ग सौंदर्य... डोळ्याच्या कॅमेऱ्याने टिपत होतो... डोळ्यांचे पारणे फिटले...
जवळपास दोन तास सोमोरीरि परिसरात फिरत होतो...
कारझोक गावात एका हॉटेल मध्ये फ्राय राईस आणि चावमिन खाऊन पुन्हा सुमडोकडे रवाना झालो...
संजय आता एकदम फ्रेश झाला होता... त्याच्या बरोबर मस्त चहा घेऊन... हॉटेलच्या गच्चीत बसलो... सर्वांशी सुसंवाद करायला...
जय श्री राम...
No comments:
Post a Comment