Saturday, March 26, 2022
फिट इंडिया चळवळ... दि. २६.०३.२०२२
आज भेटले आनंदयात्री... बालकवी... दि.२६.०३.२०२२
Tuesday, March 8, 2022
सायकल राईड आणि आईसाठी १०८ वे रक्तदान.... दि. २२.०२.२०२२
सायकल राईड आणि आईसाठी १०८ वे रक्तदान *
*२२.०२.२०२२*
काल सायंकाळी सिद्धांतचा फोन आला. "रक्ताची आवश्यकता आहे. रुग्ण टाटा हॉस्पिटलमध्ये रुग्ण उपचार घेत आहे" सिद्धांतला सांगितले, उद्या येतो हॉस्पिटल मध्ये...
आज विजय बरोबर घोडबंदर लूप मारून १०० किमी सायकल राईड करायचे ठरले होते... रुग्णालयात सकाळी अकरा वाजता जायचे असल्यामुळे मुलुंड राईड करायचे नक्की झाले...
सकाळी सहा वाजता राईड सुरू झाली आणि तासाभरातच २५ किमी पल्ला गाठत, मुलुंडच्या आवडत्या ठिकाणी पोहोचलो... आज गरमागरम मसाले दूध विजयने आणले होते... दुधाचे घोट घेताना आठवणींच्या गावी पोहोचलो...
हेच ते ठिकाण जेथून ४५ वर्षांपूर्वी ट्रेकिंग करिअरची सुरुवात झाली होती... त्यामुळेच निसर्गावर नितांत प्रेम करू लागलो... बरेचसे ट्रेकिंग मित्र नंतर कौटुंबिक मित्र झाले... त्या सुखद आठवणींना उजाळा देण्यासाठीच सखी सोबत या ठिकाणी भेट देत असतो...
मुलुंडच्या सरदार तारासिंग बगिच्या जवळ सूर्योदयाच्या वेळेला कबुतरांची शाळा भरली होती. शाळेत काय बरं शिकत असतील ही पाखरे... सूर्याच्या आगमना निमित्त एखादं स्वागत गीत गात असावेत काय...
सकाळी साडेआठ पर्यंत ५० किमी राईड करून घरी परतलो... भरपेट न्याहारी करून टाटा मेमोरीअल रुग्णालय गाठले... सिद्धांत सोबत टाटा रुग्णालयाच्या सर्व्हिस बिल्डिंग मधील रक्तपेढीमध्ये गेलो...
लिफ्टमध्ये चौकशी करता समजले की सिद्धांतची आई केमोथेरपीचे उपचार घेत आहे... गेल्या सप्टेंबर मध्ये आईला ब्लड कॅन्सर डिटेक्ट झाला... उपचारा दरम्यान रक्ताची आवश्यकता लागते... या साठी फ्रेंड टू सपोर्ट या वेब साईट वरून सिद्धांतला माझा नंबर मिळाला होता...
गोव्याच्या वालपै गावात राहणारा सिद्धांत इलेक्ट्रिकल इंजिनिअरींगच्या शेवटच्या वर्षांला आहे. आईच्या उपचारासाठी तो मुंबईत राहतोय... गोव्यात नोकरी करणारे वडील आणि दहावीत शिकणारा धाकटा भाऊ आहे... लहान वयात सुद्धा मॅच्युअर्ड वाटला सिद्धांत...
आजची तारीख सुद्धा अतिशय युनिक आहे २२.०२.२०२२ ... अशा दिवशी आईला रक्तदान करण्याची संधी प्राप्त झाली, त्या साठी परमेश्वराचे मनोमन आभार मानले...
रक्तदानाचा फॉर्म भरला... डॉ जुईली यांनी बरेच प्रश्न विचारले. त्यात आता कोविडच्या नवीन प्रश्नावलींचा समावेश झाला होता... ६४ वर्ष वय सांगितल्यावर डॉ जुईली आश्चर्यमिश्रित भावाने पाहत राहिली... तीला सायकलिंगची माहिती दिल्यावर खूप आनंद झाला...
रक्तपेढी तंत्रज्ञ श्री राजेंद्र यांनी अतिशय कलात्मकरित्या हातात सुई टोचली आणि पाचच मिनिटात रक्ताच्या पिशवीखालील तराजूने बझर दिला... कक्ष सहाय्यक जितेंद्रने ताबडतोब कॉफी बिस्कीट आणि केक खायला दिला...
सिद्धांत OPD मध्ये आईला भेटायला घेऊन गेला... आई ... ममता ताई खूप फ्रेश वाटल्या... "मला आता खुप बरं वाटतंय... गोव्यात आलात तर नक्की आमच्या घरी या"... ही आश्वासक वाक्ये जगण्याच्या दुर्दम्य इच्छाशक्तीचा आविष्कार होता...
५० किमी सायकल राईडसह आजचे १०८ वे आईसाठी केलेले रक्तदान प्रचंड आत्मिक समाधान देऊन गेले...
मंगल हो ! ! !
सतीश जाधव
मुक्त पाखरे...
Friday, March 4, 2022
लवासा सैर... दि. ०४.०३.२०२२
Sunday, February 27, 2022
जिंदगी बडी होनी चाहीये... लंबी नही... २५ फेब्रुवारी २०२२
ताडदेवचा कौस्तुभ दोन वर्षांपूर्वीच मुलुंडला राहायला आलाय... पण मित्रांचा गोतावळा ताडदेवला असल्यामुळे वेळोवेळी मित्रांना भेटायला जातो...
काकाने फर्मास नारळ पाण्याची ट्रीट दिली... सखी वरून एक ट्रायल राईड मारली.... लॉंग राईड साठी तयार झाली होती सखी... सिद्धार्थ आज खुश मिजाज मूड मध्ये होता... स्पेशल फोटो काढले आणि माझ्यासह सायकल राईड करायची इच्छा प्रकट केली...
आदित्य काकाने जवळच्याच हॉटेल मध्ये गरमागरम मेदूवडा आणि डोसा ट्रीट दिली...
Friday, February 18, 2022
अफलातून अनुभूती.... १८ फेब्रुवारी २०२२
Monday, January 24, 2022
लडाख सायकलिंग भाग ७ दि. १० आणि ११ ऑगस्ट २०२१
अलीने सांगितल्या प्रमाणे, बाहेरील टार रोड ऐवजी मधल्या सोमोरीरीच्या खाजणातून निघालो... हा शॉर्ट कट रस्ता होता... ऑफ रोडिंग असला तरी सरळ वाट होती. तासाभरात व्हीव पॉईंट वर आलो...
सो मोरीरीला मनात साठवत होतो... लांबवर संजय बसला होता... साथसोबत दिलेल्या मेरिडा सायकलला संजय न्याहळत होता...
सुख जालें वो साजणी ॥
चहा नास्ता केला. सो मोरीरी वरून लेह पर्यंत परतीच्या प्रवास बसने करायचे ठरले होते. परंतु आलेल्या बसला टपावरचे कॅरीयर नव्हते म्हणून महिंद्रा कॅम्पर नक्की केली. त्याच कॅम्पर मध्ये सायकल टाकून अलीच्या कंटेनरकडे आलो.