"विश्वंभर @ ७५... ऋणानुबंधांचा अमृत महोत्सवी सोहळा... दि. १० ऑगस्ट २०२५

विश्वंभर @ ७५... ऋणानुबंधांचा अमृत महोत्सवी सोहळा...

दि. १० ऑगस्ट २०२५

परममित्र विश्वंभर पावसकर याच्या आयुष्यातील आजचा खास दिवस... त्याचा ७५ वा वाढदिवस...

 त्याने प्रेमाने अंधेरी टाईम्स स्क्वेअर मधील Barbeque Nation मध्ये बोलावलं होतं... 

महापालिकेच्या नायर रुग्णालयात नोकरी करत असताना १९८० साली आमची मैत्री झाली...  त्याला आता ५५ वर्ष झाली… ती ओळख हळूहळू आयुष्यभराच्या मैत्रीत बदलली... विश्वंभरच्या प्रथम भेटीत हे नाव एवढे भावले की नेहमी त्याला विश्वंभर नावानेच हाक मारली...

माझ्या मागोमाग तो जलविभागात निरीक्षक म्हणून आला... आणि मैत्री अधिक दृढ झाली... लोअर परळच्या माझ्या घरासाठी त्याने केलेली भरघोस मदत मी आयुष्यभर विसरू शकत नाही...

आम्ही एकत्र सहकुटुंब प्रचंड भारतभ्रमंती केली आहे... सेवानिवृत्ती नंतर कार्यालयीन मित्रांचा गोतावळा कमी होत जातो... पण विश्वंभर सोबतची मैत्री आजही तितकीच जिवंत आणि घट्ट आहे...

आशिष आणि केदार... विश्वंभरची दोन्ही मुलं... माझी मुलगी चारूचे जुने मित्र... आजच्या भेटीत दोघांनी पहिली चारूची चौकशी केली...

अंधेरीच्या पंप हाउस परिसरात पावसकर कुटुंब राहत असताना आशिष आणि केदारचे लहानपणी घेतलेले अनेक फोटो आजही डोळ्यांसमोर तरळतात... हेच तर ऋणानुबंध आहेत... ज्यांना काळ, अंतर, आणि परिस्थती सैल करू शकत नाही...

आशिष आता गोरेगावला, केदार भांडुपला राहतो... दोघांची आपुलकी तशीच आहे...

  आजच्या निमित्ताने अशोक रहाटे, प्रकाश पवार आणि यशवंत यांसारखे जिवलग मित्रही भेटले... असे कार्यक्रम जीवनात आनंदाची पेरणी करतात...

स्वप्नाने दिलेल्या गावच्या काजूगराची भेट विश्वंभरला देताना मन भरून आलं... विश्वंभरच्या शंभराव्या वाढदिवसापर्यंत अशाच भेटी घडत राहोत... हिच परमेश्वराकडे इच्छा व्यक्त केली...

विश्वंभरला छान आणि निरामय आरोग्याच्या शुभेच्छा देऊन निरोप घेतला…

– सतीश जाधव

📞 7977690693