फॅट सायकल… एक सुखद योगायोग...
दि. ५ ऑगस्ट २०२५
ठाणे-मुलुंड फ्लायओव्हरवर सुप्रिय फाळे भेटला… पठ्ठ्या फॅट सायकलवरून थेट ऑफिसला चालला होता...
चेक नाका ओलांडताच सुप्रिय म्हणाला... चालवणार का फॅट सायकल...
मनात तर कित्येक दिवसांपासून फॅट सायकल चालवण्याची इच्छा दडून बसली होती… आज ती इच्छा अचानक पूर्ण होणार हे कळल्यावर खरंच... रोमांच उभे राहिले... क्षणाचाही विचार न करता होकार दिला...
सायकल सुरू केली… आणि पहिल्याच मिनिटाला लक्षात आलं... अरे, ही तर भन्नाटच आहे... जाड टायरमुळे रस्त्यावरील खड्डे-खुड्डे कुठे गायब झालेत कळलंच नाही… मुलुंड म्हाडा कॉलनीपासून ऐरोली सिग्नलपर्यंत हवेत तरंगत असल्यासारखं वाटत होतं...
सुप्रियने सायकलसह माझा फोटो काढला… म्हणालो... आता तुझी फॅट सायकल व्हायरल झाली म्हणून समज...
खरं सांगायचं तर... खूपदा मनात काही कल्पना असतात… काही गैरसमज साचून राहिलेले असतात... पण जेव्हा आपण स्वतः त्या अनुभवातून जातो, तेव्हाच उमगतं... नेमकं खरं काय आहे ते...
सुप्रिय, मनापासून धन्यवाद...
तुझ्या सायकलमुळे एक अपूर्व अनुभव गाठीशी आला…
सतीश जाधव
7977690693
No comments:
Post a Comment