🚴♂️ मुलुंड (पूर्व) ...एक थांबा... अनेक आठवणी...
पूर्व द्रुतगती महामार्गावरील मुलुंड म्हाडा कॉलनी जवळील हा साधा वाटणारा साइनबोर्ड माझ्यासाठी एक भावनिक ठेवा आहे...
इथूनच माझ्या ट्रेकिंग आणि भटकंतीला सुरुवात झाली होती... मुंबई महापालिकेतील माझ्या प्रिय सहकाऱ्यांसोबत... पायवाटांवरून चालत चालत आयुष्याच्या अनेक वळणांवर पोहोचलो… सह्याद्रीसह अख्खा हिमालय पालथा घातला... सेवानिवृत्तीनंतर ट्रेकिंगचं रूपांतर सायकलिंगमध्ये झालं...
आजही या ठिकाणी मुद्दाम थांबतो... कारण इथं आठवणी थांबतात... वेळ थांबतो... आणि मन गतकाळच्या सहवासात हरवून जातं…
ज्यांच्यासोबत डोंगर-दऱ्या पालथ्या घातल्या... अनेक मोहिमा पूर्ण केल्या... त्यापैकी कितीतरी मित्र आता देवाघरी गेले आहेत... पण त्यांच्या आठवणी मात्र प्रत्येक वाऱ्याच्या झुळुकीत... प्रत्येक पेडलिंगमध्ये जिवंत आहेत...
त्यांनी घडवलं... साथ दिली... त्यांनीच उमज दिली... म्हणूनच माझ्या सायकल वारीत त्यांच्या आठवणींची शिदोरी सोबत असते...
देवाघराच्या मित्रांनो... तुमच्यासारखे सहकारी लाभले... हेच माझं खरं भाग्य...
आजही मी तुमच्यासोबतच चालतोय... रस्त्यावर, आठवणीत, आणि मनाच्या खोल कप्प्यांत...
सतीश जाधव
7977690693
No comments:
Post a Comment