*🚴♂️ दोस्तीची सायकल 🚴♂️*
दिनांक १२ ऑगस्ट २०२५
आजचा अंधेरीकडे नेणारा सायकलिंगचा प्रवास... आनंद, उत्साह आणि भेटींच्या जिव्हाळ्याने भरलेला होता...
खरी दोस्ती ही कुठल्याही अंतरावर थांबत नाही... ती पुढे पुढे चालत राहते... माझ्यासाठी सायकल राईड ही दोस्तांना भेटण्यासाठी निमित्त होतं...
हेल्मेट, ग्लोव्हज, पेडलिंगचा वेग सगळं होतं... पण ध्येय एकच होतं… मित्रांना भेटणं...
रस्त्यातील प्रत्येक वळणावर आठवणींची झुळूक वाहत होती... तेव्हा त्या तीन ओळखीच्या चेहऱ्यांना भेटलो तेव्हा आनंदाचा सुसाट वारा सुटला...
हातात हात, डोळ्यांत आनंद, आणि ओठांवर तीच जुनी हसरी भाषा...भेटून किती बरं वाटलं... फोटो काढताना जाणवलं हा तर आपल्या नात्यांचा आरसा आहे... फोटोच्या चौकटीत एक सुंदर क्षण कैद झाला...
आजचा दिवस शिकवून गेला... अंतर कितीही असो... सायकलचा रस्ता असो वा जीवनाचा... दोस्तीला गाठण्यासाठी नेहमी वेळ काढावा लागतो...
जशी सायकलच्या टायरला हवा हवी... तशी दोस्तीची दास्तान जिव्हाळ्याची व्हावी...
प्रवास कितीही असो, भेटीत मिळालेला आनंद प्रत्येक क्षण अधिक सुंदर करतो... सायकलिंग आणि दोस्ती... दोन्ही जीवनाला रंग आणि ऊर्जा देतात...
सतीश जाधव
7977690693
खरे आहे, मैत्रीचा प्रवास नेहमी हवा हवासाच असतो
ReplyDelete